Felldu 1,4 milljarða sekt úr gildi og
vísuðu til nýrrar meðferðar

Rannsókn Samkeppniseftirlitsins á sölu
Landsvirkjunar vegna orkutapa Landsnets
var gölluð því markaðir höfðu ekki verið
skilgreindir sem skyldi. Þess vegna
ákvað áfrýjunarnefnd samkeppnismála að
fella úr gildi 1,4 milljarða króna sekt
sem eftirlitsstofnunin lagði á
fyrirtækið.Áfrýjunarnefndin kvað úrskurð
sinn upp í dag. Hún felldi ákvörðun
Samkeppniseftirlitsins úr gildi og
vísaði henni aftur til eftirlitsins til
nýrrar rannsóknar og ákvörðunar.Til
skoðunar voru viðskipti Landsvirkjunar
og Landsnets 2017-2021. Nokkrir
annmarkar þóttu á rannsókninni sem urðu
til þess að áfrýjunarnefndin taldi málið
ekki fyllilega upplýst. Úrskurðarnefndin
sagði að hver og einn annmarkanna væri
verulegur.Ekki hafi staðið steinn yfir
steiniÍ yfirlýsingu Landsvirkjunar um
úrskurðinn segir að með honum sé
staðfest að ekki hafi staðið steinn yfir
steini í rannsókn
Samkeppniseftirlitsins. Markaðir hafi
ekki verið skilgreindir með fullnægjandi
hætti og ekki gerð viðhlítandi rannsókn
á hugsanlegum samkeppnishamlandi áhrifum
ætlaðs verðþrýstings.Landsvirkjun segir
úrskurðinn líka undirstrika nauðsyn þess
að reglur og markaðsskilgreiningar séu
skýrar og fyrirsjáanlegar áður en
íþyngjandi viðurlögum sé beitt, líkt og
gert hafi verið í þessu
tilfelli.Málaferli eða ný ákvörðunÍ
tilkynningu frá Samkeppniseftirlitinu
segir að farið verði yfir forsendur
úrskurðarins og næstu skref metin.
Einnig verður leitað eftir sjónarmiðum
aðila á markaði og annarra stjórnvalda á
EES-svæðinu. Að því loknu ákveður
eftirlitið hvort það beri úrskurðinn
undir dómstóla eða taki nýja ákvörðun á
grundvelli úrskurðarins. Fréttin var
uppfærð með viðbrögðum
Samkeppniseftirlitsins.

Birt: 19.10.2026 11:20
Heimild: RÚV
Opna frumheimild

< Aftur í fyrirsagnir