,,Mér hefur alltaf liðið eins og þetta sé
mín leið í lífinu"

,,Já, það hefur alltaf verið það. Frá því
ég man eftir mér. Auðvitað bara í
hverfinu fyrst að semja, skrifa og
pæla," segir tónlistarmaðurinn
Kristmundur Axel Kristmundsson aðspurður
hvort tónlist hafi alltaf verið stór
hluti af lífi hans. Kristmundur Axel er
viðmælandi Viktoríu Hermannsdóttur í
fyrsta þætti í þáttaröðinni Svona er
lífið sem hefur göngu sína í kvöld,
sunnudag, klukkan 20:15. Í þáttaröðinni
kynnist Viktoría alls konar fólki í
íslensku samfélagi og fær að heyra
áhugaverðar sögur. Einlægur og
persónulegurKristmundur er einn
vinsælasti tónlistarmaður landsins um
þessa þessar mundir. Hann byrjaði ungur
í tónlist, hvarf úr senunni í nokkur ár
en sneri svo til baka tvíefldur.
Undanfarin ár hefur hann sent frá sér
hvern stórsmellinn á fætur öðrum sem
tróna á toppi vinsældalistanna. Hann er
einlægur í textasmíð sinni og óhræddur
við að yrkja um persónulega hluti úr
sinni stóru og miklu fjölskyldusögu.
,,Svo hef ég auðvitað alltaf verið að
syngja og skapa. Mér hefur alltaf liðið
eins og þetta sé mín leið í lífinu.
Hefur komið mér út úr alls konar
klandri. Hefur komið mér út úr
einhverjum svona sorgartilfinningum,
þetta er útrásin mín," segir
Kristmundur. Hann segist njóta sín best
þegar hann er að koma fram. Kristmundur
Axel segist tónlistina alltaf hafa verið
stóran hluta af sínu lífi. Hann er
óhræddur að tala og yrkja um sína miklu
fjölskyldusögu. Við kynnumst Kristmundi
í fyrsta þætti af Svona er lífið.,,Ég
pæli i öllum smáatriðum. Breytist bara
upp á sviði hreinlega. Þar gerist
eitthvað. Verð eitthvað skrímsli þar.
Það er rosalega gaman. Það er það sem ég
hlakka alltaf mest til. Það er að flytja
lögin."Fólk tengir við
sögurnarKristmundur hefur verið óhræddur
við að yrkja um sína miklu
fjölskyldusögu - nokkuð sem hefur komið
honum á óvart hversu margir tengja við.
Lagið Kominn heim hefur slegið í gegn og
er líklega vinsælasta lag ársins. Þar
talar hann á opinskáan hátt um brot úr
sögu fjölskyldunnar.Kristmundur Axel
segist tónlistina alltaf hafa verið
stóran hluta af sínu lífi. Hann er
óhræddur að tala og yrkja um sína miklu
fjölskyldusögu. Við kynnumst Kristmundi
í fyrsta þætti af Svona er lífið.,,Þetta
er bara mjög stór partur af manni. Ég
kom bara upp syngjandi um þetta
einhvernveginn, inn í þennan bransa, inn
í þessa senu," segir hann en viðurkennir
þó að hann sé ekkert alltaf æstur í að
fara í viðtöl að tala um þetta. ,,En
þetta er bara partur af manni, þetta er
bara mjög eðlilegt." Oft hefur líka fólk
með sambærilega reynslu samband við
hann. ,,Það er oft bara toppurinn við
þetta og kannski svona bensín. Það rosa
mikið af fólki sem tengir við margt af
því sem ég geri og syng um - það kom mér
alveg á óvart sko. Það er bara eins og
með Kominn heim. Það tengja geðveikt
margir eitthvað. Ég meina komdu til
baka. Tengja geðveikt margir - þetta er
kannski ekki alltaf þessi beina tenging
en kannski er ég að gefa þeim einhverja
tengingu í einhverju orði þess vegna.
Svo eru sumir sem tengja alveg og betur
en það. Ég hugsa að það sem ég er að
gera. Sem er bara að segja sögur, það er
bara eitthvað sem fólk tengir kannski
meira við heldur en einhver partýlög eða
eitthvað þannig, þó þó séu líka góð og
mikilvæg."Svona er lífið er á dagskrá
RÚV í kvöld klukkan 20.15. Þar fylgjum
við Kristmundi eftir, kynnumst lífi hans
og störfum og kíkjum meðal annars í
heimsókn til móður
Kristmundar.Kristmundur Axel segist
tónlistina alltaf hafa verið stóran
hluta af sínu lífi. Hann er óhræddur að
tala og yrkja um sína miklu
fjölskyldusögu. Við kynnumst Kristmundi
í fyrsta þætti af Svona er lífið.

Birt: 18.10.2026 07:30
Heimild: RÚV
Opna frumheimild

< Aftur í fyrirsagnir